كيفاش كيخدم: هاد الصفحة كتصل بالمصباح مباشرة من البلوتوث ديال التليفون ديالك. ما كاينش سيرفر، ما كاينش حساب، وما كاين حتى معطى كيخرج من عندك.

المتصفحات: خدام فـChrome على أندرويد وفـChrome/Edge على الحاسوب. فـiPhone، Safari ما كيدعمش البلوتوث، خاصك متصفح Bluefy.

المدى: حوالي 10 متر، وخاص البلوتوث يبقى مشعل. إلا سديت الصفحة، الاتصال كيتقطع.

شنو تشري: أي مصباح ولا شريط LED فيه كونترولور بلوتوث من النوع ELK-BLEDOM ولا Triones، هادو هوما الرخاص والمنتاشرين فالمغرب (60 إلى 120 درهم). عندهم أپليكيشن ديال الشركة، ولكن هاد الصفحة كتحل محل ديك الأپليكيشن.

ملاحظة صادقة: بهاد الطريقة التحكم غير من عندك، من التليفون وفالمدى. أنا ما كنوصلش للبلوتوث ديالك. إلا بغيتي أنا نتحكم من بعيد ولا نبرمجو مع أتمتة (مثلا كيولي أحمر فاش كتوصل طلبية devis)، خاصنا نسخة WiFi بـESP32.